ادخل الى تمبي من صوتيات ادخل او شوف
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصيدة(ياليل طول ساعاتك)للشاعر السيد سعيد الصافي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق الحسين (ع)



المساهمات : 4
تاريخ التسجيل : 09/05/2010

مُساهمةموضوع: قصيدة(ياليل طول ساعاتك)للشاعر السيد سعيد الصافي   الثلاثاء مايو 11, 2010 9:37 pm

[colo
r=red]قصيدة(ياليل طول ساعاتك)للشاعر السيد سعيد الصافي




يا ليل طوّل ساعاتك يا ليل أحمل آهاتك
لو ودّعت الوليان تتولاني العدوان

*********

طول يا ليل الوداع اشما تطول اوياك أساهر

ما أمِل من البواجي حتى لو تعمه النواظر

احسين بس هالليلة يمي ما تشوفه اعيوني باجر

صدقني يا ليل القهر يا ريتك اطّول دهر

خايفه من أشباح القدر خاف اظل مكسورة خاطر

يا ليل ارحم دلالي يا ليل ضاعت آمالي

آه يا دهري الخوان تتولاني العدوان

*********

آنه يا ليل العقيلة زينب المعروف خدري

طولي ما واحد الشافه او لا ستر يوصل الستري

لجن يا ليل اشبديه سلمت للقدر أمري

دمعاتي يبسن بالجفن من يطر مصباح الحزن

بطفال و بعيله امتحن و الله ما ينحمل صبري

يا ليل كافي اتروعني يا ليل صبحك يفجعني

لو نزلوا للميدان تتولاني العدوان

*********

و الله خنقتني العبره اشلون اوّصف هالمسيه

مثل سرب القطا طلعت للوداع الفاطميه

ريتك اتشاهد بناتك علي يا حامي الحميه

يندبهن احسين ابمحن كلهن فرد فزعه افزعن

ويّ الولي يتوادعن هاي روحه ابلايه جيه

نسوان يا هو اليحميهن لو راح عنهن و اليهن

يقبل داحي البيبان تتولاني العدوان

*********

كلمن اتعنت وليها تهل دمع الحزن يمه

سكنه لحسين ابو اليمه راحت بلهفه تشمه

او ليله للأكبر ولدها هوت فوقه اتصيح ُيمه

او رمله اوي جاسم جاعده تظفر اجعوده اتناشده

ارحم دليل الوالده و للصدر قامت تضمه

جاوين يوليدي الشمعه جسام شو صارت دمعه

فقدك مو بالحسبان تتولاني العدوان

*********

آه يا حال الرباب الحنّت النوق البجيها

اتعاين العبدالله طير الجنة نايم فوق ايديها

يفز لو رادت ترضعه من يروح ايدر ثديها

متهني ابنها بنومته خافت يفز لو رضعته

قامت تصد الرقبته طاحت او فقدت وعيها

جا ليش يبني ايذبحونك سبّاح قلبي يقطعونك

جيّ كلتلهم عطشان تتولاني العدوان

*********

زينب العباس اخوها اتعنت و قامت تنشده

خويا بيّ اشلون باجر قلي يا راعي الموده

يا جفيل الظعن ظعني للوطن يا هو اليرده

عباس انت اللي قلت وياي قومي و أمنّت

يا الأخو بيه اتكفلت اشلون لو وقعت بشده

عباس دقعد حاجيني عباس وين تخليني

اختك يا عالي الشان تتولاني العدوان
[/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة(ياليل طول ساعاتك)للشاعر السيد سعيد الصافي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة يا حسين :: اشعارو قصائد لأهل البيت (ع)-
انتقل الى: